Ting-ulan Na Sad

Ting-ulan na sad, pag ingon-ani na ang panahon, adunay mga tao nga malipay. Kay lain-lain man ang pagkinabuhi sa mga tao. Kung ting-ulan malipay na una ang mga mag bubukid daw himaya pa nila kining panahuna tungod sa ilang mga tanom nga nagkinahanlan sa tubig.

Ang mga sikad driver malipay sad kay halos tanan manakay man sa ilang sakyanan. Medyo maka abot sila sa ilang boundary ug makapalit na ug sud-an para sa ilang pamilya.

Kung ikaw empleyado sa opisina, sa panahon sa ting-ulan murag ma daut ang imong porma. Labi nag maka unipormi ka nga haftik kaayo ug kwelyo, sinaw ug sapatos, slacks nga nindot ug hinapay nga pinapilit. Murag dili ni imong panahon.

Labing malipay ang mga bata nga hilig magbasa-basa. Pero kuydaw basin magkasakit ang inyon anak kay lisod na magkasakit. Mahal na raba ang mga tambal nato karon.

Usa sa malipay ang mga minyo kay ting tanday na pud. Bisan gani dili ting ulan tanday man gani labi na jud nga ting-ulan na.

Avatar Sa Meez

Mao ni akong meez avatar, gasul-ob sa itom, ug dunay laptop ug dunay bangas nga nipis. Naglingkod sa orasan, nagbabad jud para maka kwarta intawon hehehe.

Kung ganahan ka i-hulagway ang imong pagkatao apil nako diri kay makalingaw kaayo ning amawa ni, i-click MEEZ.

Wallpaper - Sundalo

Usa sa paborito nako nga desktop wallpaper. Kung ngano? Sukad sa akong kabatan-on gadamgo ko nga mahimong usa ka piloto hantud na nahimong ang akong damgo na himong sundalo. Apan wala matuman, sa bagay, nia man gihapon ko nag-alagad sa katanhan.

Wow Mali - Regalo

Unsay kahay imong buhaton kung ihatag sa imo ang gift dayon mo singgit ang nag hatag? Kung wa ka kasayod sa imong buhaton, tan-awa ni aron masayod ka sa reaksyon sad sa uban.

Kwarta Sa Blog

Blogging usa sa makuhaan nimo ug pangwarta. Daghan ang pwede nimong ibutang sa imong blog nga mga topic. Pananglitan mahitungod sa imong kinabuhi, inadlaw nga panghitabo, mga na eksperyens nimo, mahitungod sa imong ganahan.

Asa ka makakwarta? Daghan na kaayo ang mga online ads nga pwede nimo ibutang sa imong blog. Dunay gitawag nilag PPC kun pay per click ug uban pang lain lain nga istelo. Kinahanlan lang jud ang igong pasyensya aron mahimong magmalampuson ka sa imo blog.

Mahitungod sa akong blog, naa nakoy duha ka blog nga gina maintain karon usa naning Bisaya Extra Special ug ang ikaduha mao ang Glenn Aspe Online. Ug kaluoy sa Ginoo duna na sad baya koy kita bisan ginagmay apan dugang pailub lang jud.

Ikaw kanus-a pa man ka mag sugod sa blog nimo?

Credit to: NeoNego

Rap Ni Joel

Usa ka bata nga nag ngalan ug Joel ang nangayo ug pahinungod pero una niya dawaton ang imong ihatag, hatagan una ka niya ug lingaw pinaagi sa pag rap. Tan-awa ug paminawa ninyo ang iyang rap nga saksak sinagol.

Kini nagpaila lamang nga talentado (hehehe) jud ang mga kabataang bisaya. Ug adunay sense of humor. Makalingaw ug dunay padulngan kining bataa. Maong ayaw sipyata ug tan-aw kining maong video.

Ikaw na ang bahala kung pila'y imong ipahinungod sa mga batang sama kang Joel ka talented. Kinasingkasing. Hinaut sad unta nga paingon sa maayo ang imong gihatag nga pahinungod.

Credit to: Ian Ray Garcia

Tira Lok!!!

Naalaan ug bola ang iyang lubot, lingin man gud ug dili sapyot. O kaha gituyo jud sa amaw nga makita ang lubot sa iyang kalaban. Perte ka agresibo kaayo ang mga man duwaay.

Di kaha bayot sad ning gahawid sa short? Grabe intawon nga pugong sa gihubuan.

Bag-ong Website

Gikampanya karon sa Departamento sa Edukasyon o DepEd ang Skoool.ph kauban sa Intel Philippines. Usa kini ka nindot nga proyekto sa atong gobyeryo alang sa nga magtutungha sa elementarya, sekondarya ug sa atong mga ginikanan ug magtutudlo.

Sa akong pagbisita sa maong site, maayo kaayo ang presentasyon kay dunay hulagway ug tingog ug mo giya nimo. Labina sa leksyon sa Math.

Nagtuo ko nga daku kaayo kinig ikatabang sa atong mga magtutungha labina adtong maglisod o dugay makasabot . Kung ikaw usa ka ginikanan unya mangutana ang imong anak mahitungod sa mga subject sa Science ug Math ayyy pwede kaayo ka mag rebyu ngari.

Kung duna sad kay uyab nga magpatudlo nimo, aww perteng biliba jud sa imo. Pero ang sekreto diay nimo mao ang skoool.ph ra.

Tabang ug kampanya ani sa imong mga kahigalaan kay aron ma dugangan ang mga maalam sama nimo. Unta mo lungtad pa ni ug dugay aron maka-abot pa akong apo ini.

Sa Akong Minahal

Ang tao daw sama sa asu nga sa kadiyot lang mo patim-aw ug mahanaw. Ang pagpanaw sa atong mga minahal usa ka sakit nga panghitabo sa atong kinabuhi nga angay tang dawaton. Kay matud pa... "Sa abug kita gikan maong sa abug usab kita mo pauli".

Usa sa minahal sa akong kinabuhi ang nitaliwan na intawon. Miadtong miaging semana Hulyo 17 nipanaw na intawon ang among iyaan tungod sa sakit sa baga nga nagka komplikado na. Usa sa mga igsoon sa akong inahan, si Venus Pañares Valencia. Taga Labangon, Cebu City. Taud-taod na sab niyang gi-antos ang iyang balatian. Duhay na sad siya nangandoy nga mo pahulay na intawon. Apan tungod sa paglaum nga gihatag sa iyang pamilya ug sa ubang kaparyentehan naka lahutay ug taud-taod hantud nga nakita niya ug nasaksihan niya ang panganay niyang anak nga si Ervie, nakatapos sa pagtungha ug nakakita sa panginabuhian. Nagsabot pa gani ang inahan ug anak nga sa unang sweldo maghikay ug gamay isip pagpasalamat. Apan subo palandungon nga wa intawon maka-abot ang iyang kinabuhi sa ilang gi plano.

Ang hulagway nga inyong nakita maoy katapusang hulagway namo niya adtong pag bisita namo sa Cebu City adto Pebrero 27.

Matud pas akong ginikanan, kining akong iyaan mao intawon ang usa sa gabantay kanako miadtong ako masuso pa lamang. Bisan wa pa ko sa saktong kabuot apan na bati ko ang iyang pagmahal. Hantud nga kami ania na sa saktong pangidaron.

Bisan nga lagyo ang among puloy-anan kay dia man lagi mi sa Mindanao. Apan nabati namo ang iyang pagmahal kauban sa iyang pamilya kanamo.

Sa iyang bana nga si Tito Ermie, salamat sa pag-atiman sa imong asawa. Sa tanan nga pag-antos nga inyong gisaw-an. Kasayod mi kun unsay nimo kamahal ang among iyaan. Sa iya usab nga mga anak nga sila Ervie, Estelle ug Girlie salamat usab sa pagtabang ninyo sa inyong ginikanan, sa dili pagpabadlong. Ipadayon ang inyong kabuotan kay mao nay gipangandoy sa inyong ginikanan.

Salamat Antie Venus.
Mahal ka namo!!
Magpabilin kang buhi sa among panumdunan.

Salamat sa tanang: Pañares, Valencia, Parian, Aspe, De Leon, Militante, Enrile, ug uban pang karyentihan ug kahigalaan.

Salamat Antie.

Mt. Bagarabon, Surigao City

Nakasuroy na ba mo sa Mabua, Pebble Beach sa Surigao City? Haskang nindota bay. Gikan sa Butuan City mo biyahe ka paingon sa Surigao City ug duha ka oras sa bus. Unya byente hantud trenta minutos padulong sa Mabua pinaagi sa trisikol ug mga single motor.

Mao ni ang nisugat sa akong mga mata nga mga talan-awon:

Pangpang nindot kaayo ambakan dili para magpakamatay ha, aron maligo lang ha. Dagku raba kaayo ang bato dri. Delikado sad kaayo mao nag amping jud ug maayo aron dili madakin-as.

Mao ni ang mga pebbles, perteng nindota jud kaayo. Murag gi-ulan man dri ang mga bato? Hamis raba kaayo ang mga bato ug nindot, dili kaayo makuha ang buling sa lawas kun himuon nga panlugod.

Gatungtong sa bato para makuha ang lapyahan sa baybayon. Gipatuluan jud ni ug singot sa maniniyot nga akong partner.

Nindot naba i-ambak? Matintalon kaayo ang dagat. Murag nangamay na. Ang nasa hulagway mga bata nga nagpunay ug pangambak gikan sa bato ngadto sa dagat.

Suroy na ta sa Mt. Bagarabon, Mabua, Surigao City aron makakita sad mo ug laing dapit diri sa Caraga. Nindot ang akomodasyon ngari. Ayaw sayanga ang panahon.

Pictures courtesy of: DJFM

Binisayang Blog

Niadto pang tuig dos mil sais gasugod nako sa blog. Daghan na usab nga mga blog ang akong nasudlan. Usa niini ang akong partner nga si Deejay nga maoy aktibo kaayo sa ingon niining mga butanga. Ang iyang tema sa blog mao ang turismo ug makita nimo nga naga promote ang iyang blog sa Caraga Region. Kini nahimutang sa Mindanao, Philippines.

Ang blog nga akong na sugdan mao ang "Caraga Republic" ug ang "Wow Caraga". Gumikan sa ka apiki sa atong panahon, nawala ta gamay sa komunidad sa blog.

Ug karon akong gimugna ang "Bisaya Extra Special" alang sa nga Bisdak o "Bisayang Dagku". Kini usa lamang ka pagpahungaw, pagpaila ug paghatag ug bili sa atong sinultiang binisaya. Sa laktud nga pagkasulti saludo ko sa atong mga Bisaya. Pero wala ko isalikway ang nasudnon ta nga sinultian nga mao ang Tagalog. Pero isip usa ka Mindanawon, Caraganon akong gihatagan ug dakung bili kining akong pagkabisaya.

Hinaut nga malipayon kamong tanan sa inyong pagbisiya sa akong blog. Daghang salamat. Sa inyong suporta.

Kamunggay

Ang kamunggay usa sa sa mga masustansyang gulay nga kasagaran makita sa atong tugkaran. Daling kakita ug mapangayon sa kasilinganan. Kabalo baka nga ang preskong dahon sa kamunggay:

Kaupaton ang Bitamina A sa Karots.
Kapituhon ang Bitamin C sa Orange.
Kaupaton ang Calcium sa Gatas.
Katuluhon ang ang Potassium sa Saging.
Kaduhaon ang Protien sa Yogurt.

Samtang ang pinaugang dahon sa kamunggay nga gihimo ug pulbos:

Kanapul-on ang Bitamina A sa Karots.
Kanapul-og pitohon ang Calcium sa Gatas.
Kanapul-og limahon ang Potassium sa Saging.
Kabente singkohon ang Iron sa Spinach.
Kasiyamon ang Protien sa Yogurt.

Usahay makabantay ta sa uban, nga kung dunay mahubog, pa-imnon dayon ug sinabaw nga kamunggay aron daw mahuwasan. Kung masamad patuluan ug duga sa kamunggay.

Paghimo ug pinulbos nga kamunggay.

1. Magkuha ug preskong dahon sa kamunggay, pili-a ang hangtud sa ikalimang palwa.
2. Hugasan aron makuha ang abog ug insekto niini.
3. Paugha pinaagi sa pagbulad sa adlaw o hangin.
4. Kung mo uga na, mag kuha ug kaha.
5. Painiton pinaagi sa kalayo sa ubos nga temperatura.
6. Ibutang ang dahon sa kaha hantud sa ikatulo ka minuto ug padayon nga ukayon.
7. Kung lutong na ang dahon sa kaha, isulod ang mga dahon sa limpyo nga plastic. human dugmukon hangtud mahimong pulbos.
8. Ibutang sa limpyo ug uga nga sudlanan aron pirming luwas sa mga mikrobyo o molds.

Unsaon paggamit sa malunggay powder.

Pwedeng magbutang ug duha hantud upat ka kutsarang malunggay powder (o depende sa panlasa sa mga gilutong sud-an duha hantud tulo ka minuto una hukaron. Sagulon ug maayo. Ginabutang pud kini sa Kamunggay Cream Shake og sa mga pangmeryenda.

Bolbol

Usa ka lalake nangabang ug babaye Babaye: Sige paghubo na.. Lalake: ups... .humana Babaye: uy di ko nimo uy Lalake: ngano man? Babaye: daghan kay kag bolbol.. Lalake: A buang ka unsa may diay imong gusto daghan oten usa ray bolbol...

Usa Ka Gatos Ka Libo Ka Pesos

Usa ka gatos ka libo ka pesos. Unsa kaha kung duna kay ingon niini kadaku nga kwarta. kung kwentahon ta mo kabat ug Php 4.4 ka milyon ka pesos. Sulbad tanan problema sa kwarta. Mapalit nimo halos tanan nimo gusto. Kung duna kay usa ka bandol nga singkwenta ka buok sulod. Labi na kung pito ka bandol!

Adunay usa sa akong mga amigo mi duol sa ako. Nagpatabang sad ang iyang amigo unsaon pag pa sinsilyo sa ingon niini kadaku nga kantidad. Kalisod kun walay mo pa sinsilyo ani. Ang sulti sa iyang amigo kung dili daw jud ni masinsilyoan, ipamaligya nalang daw nila ug tag byente mil ka pesos. Interesado ko mo palit ani.

Sa pagkakaron, aduna kuno'y usa ka buok nga dolyar sa maong kantidad nga gidala sa Estados Unidos aron ibaligya. Sirugadong kwartang malabo kung maayo ang resulta sa lakaw.

Dili kaha mangayo ug bahin ang gobyerno kun mahibalo sila ani? Tinuod kaha kining mga kwartaha? Nganong niabot kini sa Pilipinas?

Hotdog

Inahan: Nag-unsa man mo sa imong trato sa sulod sa imong lawak gabii, nga saba man mo kaayo? Puwerte ra bang singgit nimo og Kalami!

Rosario: Si mama sab uy. Wa man miy gibuhat nga dautan ba. Gipakaun lang ko niya og hotdog nga lami kaayo.

Inahan: Mao ba. Diay napkin opahiri na imong ngabil kay naay mayonnaise nga nahabilin.

Ang Nurse Ug Ang Mekaniko

Sa fiesta sa usa ka lungsod, nakigsayaw ug "sweet music" ang usa ka ulitawo sa usa ka dalaga sa bayle nianang gabhiona:

Ulitaw: Nurse ka day, no?

Dalaga: O, nganong kahibalo ka man?

Ulitaw: Nanimaho ka man gong hospital.

Dalaga: Mekaniko ka dong sa?

Ulitaw: O, nganong katag-an ka mang mekaniko ko?

Dalaga: Ganiha ra man gud ko nimo gi-jackan!

Pacman vs. Diaz

Andam na jud ang atong kaubang Bisaya nga si Manny "Pacman" Pacquiao sa away nila ni David Diaz karong petsa 29 sa Hunyo. Kini nga hulagway nakuha mi adtong news conference nila sa Mandalay Bay Resort sa Las Vegas, Nevada Hunyo 25, 2008. Matud pa ni Manny ang maong away nila ni Diaz ipahinungod niya sa iyang mga Pilipino hilabina sa mga biktima sa bagyong Frank nga bag-o lang mikuso-kuso sa Pilipinas.

Depensahan ni Diaz ang titulo nga WBC lightweight champion batuk ni Pacman sa dose ka round nga sumbagay. Gipaniguro usab ni Roch nga tumbahon ni Manny si Diaz sa ika siyam ka round.Nangadam na sad si Diaz alang niining maong panagsangka nila ni Pacman.

Hala sumbagay na.

Bokabularyo Sa Numero Sa Bisaya

Mga gisugyot nga paagi sa pagtitik sa mga numero o pang-ihap sa Binisaya:

baynte, n & adj. (Sp. veinte) twenty * baynte uno, baynte dos – twenty one, twenty two. Syn. kawhaan
katorse, n & adj. (Sp. catorce) fourteen. Syn. napulog upat
kinse, n & adj. (Sp. quince) fifteen. Syn. napulog lima
kinyentos, n & adj. (Sp. quinientos) five hundred * kinyentos nuybe – five hundred nine. Syn. lima ka gatos
kuwarenta, n & adj. (Sp. cuarenta) forty * kuwarentay kuwatro – forty four. Syn. kap-atan kuwatro, n & adj. (Sp. cuatro) four. Syn. upat
kuwatrosentos, n & adj. (Sp. cuatrocientos) four hundred * kuwatrosentos diyes – four hundred ten. Syn. upat ka gatos
desinuybe, n. & adj. (Sp. diecinueve) nineteen. Syn. napulog siyam
desiotso, n. & adj. (Sp. dieciocho) eighteen. Syn. napulog walo
desisayis, n. & adj. (Sp. dieciseis) sixteen. Syn. napulog unom
desisiyete, n. & adj. (Sp. diecisiete) seventeen. Syn. napulog pito
diyes, n & adj. (Sp. diez) ten. Syn. napulo or napu
dos, n & adj. (Sp. dos) two. Syn. duha
dose, n & adj. (Sp. doce) twelve. Syn. napulog duha
dosentos, n & adj. (Sp. doscientos) two hundred. Syn. duha ka gatos
duha, n & adj. (Sp. dos) two. also (see) dos
gatos, n & adj. (Sp. cien) hundred. * usa ka gatos ka pesos – one hundred pesos
lima, n & adj. (Sp. cinco) five. also (see) singko
mil, n & adj. (Sp. mil) thousand * mil kinyentos – one thousand five hundred. Syn. libo
milyon, n. (Sp. million) million * napulog lima ka milyon or kinse milyones and/or kinse ka milyon – fifteen million
napulo, n & adj. (Sp. diez) ten. also (see) diyes
nobenta, n & adj. (Sp. noventa) ninety * nobentay nuybe – ninety nine. Syn. kasiyaman
nuybe, adj. & n. (Sp. nueve) nine. Syn. siyam
nuybesentos, n & adj. (Sp. novecientos) nine hundred * nuybesentos kinse – nine hundred fifteen. Syn. siyam ka gatos
onse, n & adj. (Sp. once) eleven. Syn. napulog usa
otsenta, n & adj. (Sp. ochenta) eighty * otsentay otso – eighty eight. Syn. kawaloan
otso, n. & adj. (Sp. ocho) eight; a cardinal number seven plus one. Syn. walo
otsosentos, n & adj. (Sp. ochocientos) eight hundred. Syn. walo ka gatos
pito, n & adj. (Sp. siete) seven. also (see) siyete
sayis, n & adj. (Sp. seis) six. Syn. unom
saysenta, n & adj. (Sp. sesenta) sixty * saysentay sayis – sixty six. Syn. kan-uman
saysentos, n & adj. (Sp. seiscientos) six hundred. Syn. unom ka gatos
setenta, n & adj. (Sp. setenta) seventy * setentay siyete – seventy seven. Syn. kapitoan
setesentos, n & adj. (Sp. setecientos) seven hundred. Syn. pito ka gatos
singko, n & adj. (Sp. cinco) five. Syn. lima
singkuwenta, n & adj. (Sp. cincuenta) fifty. * singkuwentay singko – fifty five. Syn. kalim-an
siyam, n & adj. (Sp. nueve) nine. also (see) nuybe
siyete, n & adj. (Sp. siete) seven. Syn. pito
traynta, n & adj. (Sp. treinta) thirty * trayntay tres, trayntay kuwatro – thirty three, thirty four. Syn. katloan
tres, n & adj. (Sp. tres) three. Syn. tulo
trese, n & adj. (Sp. trece) thirteen. Syn. napulog tulo
tresentos, n & adj. (Sp. trescientos) three hundred. Syn. tulo ka gatos
tulo, n & adj. (Sp. tres) three. also (see) tres
una, adj. (Sp. uno) first, prime
uno, n & adj. (Sp. uno) one. Syn. usa
unom, n & adj. (Sp. seis) six. also (see) sayis
upat, n & adj. (Sp. cuatro) four. also (see) kuwatro
usa, n & adj. (Sp. uno) one. also (see) uno
walo, n & adj. (Sp. ocho) eight. also (see) otso

Hinihay Ni: E.S. Godin

Kasagaran Sayop Sa Magsisibya Ug Kometarista

Ginagmay lamang kini nga sayop apan mahimong makahatag ug kalibog sa uban natong mga kahigalaan. Basaha ug timan-i.

SAYOP: Human nadunggaban -- TUKMA: Human madunggabi
SAYOP: Human nahulog -- TUKMA: Human mahulog
SAYOP: Human gisumbong -- TUKMA: Human isumbong
SAYOP: Human gikulata -- TUKMA: Human kulataha
SAYOP: Human gidakop -- TUKMA: Human dakpa
SAYOP: Human gipusilan -- TUKMA: Human pusila / mapusili
SAYOP: Human gipabuthan -- TUKMA: Human pabuthi
SAYOP: Wala nadunggaban -- TUKMA: Wala madunggabi
SAYOP: Wala napusilan -- TUKMA: Wala maigo sa pusil / mapusili
SAYOP: Wala nahulog -- TUKMA: Wala mahulog
SAYOP: Wala gisumbong -- TUKMA: Wala isumbong
SAYOP: Wala gikulata -- TUKMA: Wala kulataha
SAYOP: Wala gidakop -- TUKMA: Wala dakpa
SAYOP: Mga kaigsoonan -- TUKMA: Mga igsoon / Kaigsoonan
SAYOP: Mga kabataan -- TUKMA: Mga bata / Kabataan
SAYOP: Mga kapolisan -- TUKMA: Mga polis / Kapolisan
SAYOP: Duha ka mga tawo -- TUKMA: Duha ka tawo
SAYOP: Lima ka mga babaye -- TUKMA: Lima ka babaye
SAYOP: Unom ka nga rebelde -- TUKMA: Unom ka rebelde
SAYOP: Pito ka mga buok -- TUKMA: Pito ka buok
SAYOP: Pipila ka mga sundalo -- TUKMA: Pipila ka sundalo
SAYOP: Pipila ka mga konsehal -- TUKMA: Pipila ka konsehal
SAYOP: Pipila ka mga butang -- TUKMA: Pipila ka butang
SAYOP: Mahimo sa pagdunggab -- TUKMA: Midunggab
SAYOP: Mihimo sa pagpahigayon -- TUKMA: Mipahigayon
SAYOP: Mihimo sa pagkompesal -- TUKMA: Mikompesal
SAYOP: Mihimo sa pagkuha -- TUKMA: Mikuha
SAYOP: Mihimo sa pag-adto -- TUKMA: Miadto
SAYOP: Gikan kang -- TUKMA: Gikan ni
SAYOP: Alang ni -- TUKMA: Alang kang
SAYOP: Mag-unsa ka ngadto? -- TUKMA: Mag-unsa ka didto?
SAYOP: Nagpaabot sa imo (sa imong unsa?) -- TUKMA: Nagpaabot kanimo / nimo
SAYOP: Naghulat sa ila (sa ilang unsa) -- TUKMA: Naghulat kanila / nila
SAYOP: Naglagot sa imo (sa imong unsa?) -- TUKMA: Naglagot kanimo / nimo
SAYOP: Nagtan-aw sa iya (sa iyang unsa?) -- TUKMA: Nagtan-aw kaniya / niya
SAYOP: Ilado (Spanish, dagom nga nagtangag og hilo) -- TUKMA: Inila / Bantogan
SAYOP: Asa gikan -- TUKMA: Diin gikan / Asa paingon
SAYOP: Asa si Gloria -- TUKMA: Hain si Gloria / Asa si Gloria paingon
SAYOP: Asa gibutang -- TUKMA: Hain / Diin ibutang
SAYOP: Sa may Barrio Luz -- TUKMA: Sa Barrio Luz
SAYOP: Dapit sa Barrio Luz (May and Dapit indicate distance from/near the point of reference) -- TUKMA: Sa Barrio Luz
SAYOP: Basin pag gikawat (Basin denotes wish; not fear, apprehension) -- TUKMA: Tingalig gikawat
SAYOP: Giserad-an -- TUKMA: Giserhan
SAYOP: Mintinar -- TUKMA: Mantener
SAYOP: Submitir -- TUKMA: Sumiter / Tugyan
SAYOP: Bata nga apohan ni -- TUKMA: Apo (Grandchild)
SAYOP: Tigulang nga apo ni -- TUKMA: Apohan (Grandparent)
SAYOP: Gioktaba sa usa ka tuig (Octava means Eight. Postponed to 8 days only)
SAYOP: Pinakadako (Tagalog superlative) -- TUKMA: Kinadak-an / Labing dako
SAYOP: Pinakagamay (Tagalog superlative) -- TUKMA: Kinagamyan / Labing gamay

Hinikay ni LORENZO M. DE LA SERNA
Lapulapu City

Ting Tanum Ug Humay

Karong bulan sa Hunyo maoy nindot nga panahon para sa pagtanum ug humay. Bisan sa kamahal sa palaliton, semilya, abono ug uban pang gamit sa basakan apan naningkamot intawon ang atong mga mag-uuma nga mag-ugmad sa ilang kabasakan aron duna sad silay ipakaon sa ilang pamilya.

Ang uban mga mag-uuma nagapangutang pa intawon aron dunay magamit sa ilang pagbasak. Abi ninyo ug hayahay ang ilang kahimtang kay daghan ug humay? Nasayop ka higala. Oo, adunay daghang humay pero kini ilang ibayad intawon sa ilang gipang-utangan ug kwarta para ilihok sa basakan.

Ang mahibilin gamay nalang intawon para ipakaon pa sa ilang pamilya. Luoy ang atong mga
mag-uuma nga maoy nagpakaon nato.

Mahimong makaginhawa sila karon kung mo mahal ang presyo sa humay. Mi adtong mi aging ting-ani, nagkantidad ug P11.00 ang kilo sa humay pero ang hungihong sa mga mag-uuma mo abot pa daw kini ug P20.00 kada kilo. Mahimong mo saka na sad ang kada kilo sa bugas. Ang bugas mapalit karon sa tindahan P35 hantud 48.00 mao ni ang bugas komersyal apan ang NFA mapalit sa tag P18.50 ug P25.00 kada kilo. Nagkamahal unsa? Ikaw pasalamat ka nga duna pa kay makaon.

Busa ayaw usiki ang bugas, kay gipatuluan na ug singot sa atong mga mag-uuma.

BISAYA EXTRA SPECIAL



Owned by: Glenn

Butuan City, Philippines
+63919 7380922
Email: deathlehem_said@yahoo.com



Proud Member of:

Junior Trained Citizen (JTC)
Kadiwa Mindanao
CARATEC