Nakasuroy na ba mo sa Mabua, Pebble Beach sa Surigao City? Haskang nindota bay. Gikan sa Butuan City mo biyahe ka paingon sa Surigao City ug duha ka oras sa bus. Unya byente hantud trenta minutos padulong sa Mabua pinaagi sa trisikol ug mga single motor.
Mao ni ang nisugat sa akong mga mata nga mga talan-awon:
Mao ni ang nisugat sa akong mga mata nga mga talan-awon:
Pangpang nindot kaayo ambakan dili para magpakamatay ha, aron maligo lang ha. Dagku raba kaayo ang bato dri. Delikado sad kaayo mao nag amping jud ug maayo aron dili madakin-as.
Mao ni ang mga pebbles, perteng nindota jud kaayo. Murag gi-ulan man dri ang mga bato? Hamis raba kaayo ang mga bato ug nindot, dili kaayo makuha ang buling sa lawas kun himuon nga panlugod.
Gatungtong sa bato para makuha ang lapyahan sa baybayon. Gipatuluan jud ni ug singot sa maniniyot nga akong partner.
Nindot naba i-ambak? Matintalon kaayo ang dagat. Murag nangamay na. Ang nasa hulagway mga bata nga nagpunay ug pangambak gikan sa bato ngadto sa dagat.
Suroy na ta sa Mt. Bagarabon, Mabua, Surigao City aron makakita sad mo ug laing dapit diri sa Caraga. Nindot ang akomodasyon ngari. Ayaw sayanga ang panahon.
Pictures courtesy of: DJFM
2 Komentaryo:
checking you back! :)
i add ko then i add tika. naa na dayon kay chance ma apil sa idol blog! igna lang kog mana nakag add nako!
Post a Comment